Pizzeria kate baten frankizia irekiko dute Arrasaten Leintz ibarrerako banaketarekin

Pizzamóvil kateko frankizia irekiko dute Arrasaten Leintz ibarrean etxez etxeko banaketa ere emango duena. Horrez gain, 'txiki-park' bat ere zabalduko dute. Hala baieztatu diote Goienari negozioa irekiko dutenek, egungo Daglas bideoklubeko jabeek. Udaberrirako zabaltzea gura dute negozioa eta frankiziarekin tratua eginda badaukate ere, lokala zein izango den erabakitzeko daukate. Kontzezino kalean edo San Andresen irekiko dute. Etxez etxe banatuko dituzte pizzak Arrasatetik Eskoriatzara bitartean. Erkidegoko lehenengo lokala izango da Arrasatekoa.

Daglas bideoklubaren jabeak dira pizzeria kate bateko frankizia zabaltzeko asmotan dabiltzanak. Lokal handia izango da, gainera, pizzeriaz gain haurrentzako jolasparkea ireki gura dutelako. Hala, aztertzen dabiltza San Andresen Araba Etorbidean (BM supermerkatua dagoen lekuan) 600 m2ko lokala edota Kontzeziño kaleko 200 m2ko bestea aukeratzea.

Estatu mailako katea

Edozelan ere, Jose Luis Gartziak, Daglasko jabe eta frankizia hartuko duenak, aurreratu duenaren arabera, udaberrirako zabalik eduki gura dute pizzeria. Datorren astean erabakiko dute zein lokal aukeratuko duten.

Pizzamóvil izeneko frankiziarekin irekiko dute pizzeria. Galiziakoa da frankizia eta Gartziak berak agertzen duenez, 'berezitasuna osagai freskoekin pizzerian bertan' egiten dituztela da. 
Pizzeria katearen jabea Portugalgo Ibersol taldea da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.