Pilotariendako zapatila bereziak egin ditu Astorek

Astore Pilotari Pro izena jarri diete zapatilei; bereziki pilotan jokatzeko egin den lehen zapatila da. Gaur, martitzena, egingo dute produktuaren aurkezpena Astoreren Arrasateko egoitzan. Astore arduratu da zapatilaren garapenaz, eta Aspeko eta Asegarceko pilotariek hamaika test egin eta oinetakoak balioztatu dituzte.

Aurkezpenean izango dira Patxi Mutiloa, Eusko Jaurlaritzako Kirol Zuzendaria; Iñaki Ugarteburu, Gipuzkoako Foru Aldundiko Kiroletako Zuzendari Nagusia; Astore, Aspe eta Asegarce enpresetako arduradun nagusiak, eta baita zapatilen testetan parte hartu duten hainbat pilotari ere.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.