Patxi Lopezek jende asko erakarri zuen mitinera eta protesta egitera

Atzoko, abenduaren 21eko, berbaldian, Patxi Lopez, PSE-EEko burua; Ekain Riko, EAEko Gazte Sozialisten ordezkaria; Pako Garcia, Arrasateko PSE-EEko hautagaia; Miguel Buen, Gipuzkoako Sozialisten ordezkari; eta Aritz Arrieta, Arrasateko Gazte Sozialisten ordezkariak berbaldia eman zuten Monterron jauregian. Kanpoan herritar talde bat bildu zen EAEko ordezkari sozialistei presoen eskubideak errespetatzea eskatzeko. Ekitaldia bukatu artean protesta egin zuten Monterron kanpoan.

Patxi Lopezen hitzaldia

Berbaldian hiru helburu nagusi azpimarratu zituen:

1) Arrasateko eta Debagoieneko sozialisten lana aitortzea. Izan ere, Lopezen arabera, oso zaila da nazionalista ez direnek Debagoienean, "zonalde honetan"  lana egitea.
2) Udal hauteskundeei begira hautagai sozialistak sustatu eta indartzea.
3) Egindako apustua finko mantentzea bakea eta askatasuna bermatzeko

Euskal gizarte anitza edota askotarikoaren aldeko apustua egiten dutela azpimarratu zuen Patxi Lopezek. Mehatxu eta oihuen aurrean tinko eutsiko diotela eta euren baldintzak ez dituztela aldatuko esan zuen.  Printzipio demokratikoak eta zuzenbidezko estatu baten alde egingo dutela ere nabarmendu zuen.  Baina, horretarako indarkeria baztertzea ezinbesteko dela gehitu zuen.
Bestalde, PPk politika egiteko gezurra eta manipulazioa erabili duela ere salatu zuen hitzaldian. Udal hauteskundeei begira, aldaketa lortzeko alderdi sozialista 'berritu bat' aurkeztuko dela adierazi zuen Lopezek.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.