Kaleko paretak igoaz, eskalada kalera atera eta herritarrak ere giroan sartzea lortu zuten zapatuan Arrasaten. Lehenengoz, San Juan festetan, Boulder Txapelketa herrikoia egin zuten zapatuan; kalean eskalatu zuten parte hartzaileek.
Kaleko paretak, eta pareta ez direnak –parrokia aurreko pilareak edota plazako makala– igo zituzten. Hamar lagun aritu ziren lehian; aretxabaletar bat izan ezik, arrasatearrak guztiak.
Ferrerias kalean hasi ziren, eta parrokia, kanpantorpea, plaza, Iturriotz kalea eta gaztetxea pasatu ostean, berriz ere egin zuten Ferrerias kalera bertan, txapelketako azken pareta igotzeko.
Eguraldi ona lagun, herritarrak animatu ziren kaleko eskalada ikustera. Jon Otxandategik irabazi zuen txapelketa; bigarren, Iñaki Viejo gelditu zen eta hirugarren postuan, Mikel Velasco.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
