Pakito Arriaranen aldeko ekitaldia azkenean egin dute

Iker Barandiaran 2009ko ira. 26a, 23:02
El Salvadorren Lagunak elkarteak antolatuta, hainbat ekimen iragarrita zeuden gaurko egunerako. Hala ere, Audientzia Nazionalak hala aginduta, batzuek galerazi egin dituzte: herri bazkaria eta ekitaldi politikoa, hain zuzen ere.

Bada, kontua da Uarkape pilotalekuan iragarritako bazkaria ezin izan dutela egin, baina ekitaldia bai. 18:30ean Monterron parkean iragarrita bazegoen ere eta han ertzainen sei bat furgoneta zain zeuden arren, beste nonbaiten egin dute ekitaldia.

Antolatzaileek jakinarazi dutenez, ekitaldi xumea baina hunkigarria izan da. 200 bat lagunek hartu dute parte. Txalapartarien eta bertsolarien esku-hartzeaz gain, Pakito Arriaranekin batera omendu izan duten Begoña Garciaren aitak idatzitako gutun bat irakurri dute.

Horren ostean, hizlari batek egoera politikoa izan du berbagai; eta bukatzeko lore eskaintza eta aurreskua egiteaz gain, abesten bukatu dute. 

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak