El Salvador Bihotzean lagun taldeak antolatu ditu Pakito Arriaranen omenezko ekitaldiak. Era berean, gerra berean hil ziren Begoña Gartzia Arandigoien eta Marta Gonzalez izango dituzte gogoan urriaren bukaerarako iragarritako ekitaldietan.
Datorren urriaren 26an El Salvadorren hildakoei omenaldia egingo diete, eta ondoren herri bazkaria egingo dute Arrasaten. Bestalde, hilaren 27tik 30era, beste hainbat ekitaldi egingo dituztela aurreratu dute antolatzaileek; besteak beste, bi hitzaldi Kulturaten, bi bideo emanaldi gaztetxean eta Pakito Arriaranen inguruko erakusketa Harresi Aretoan. El Salvador Bihotzean taldeak kontzerturen bat egiteko asmoa ere badu, baina taldeak zehaztu barik dituzte.
Biografia liburu baten
Esan bezala, 25. urteurrena dela-eta Txalaparta argitaletxeak Pakito Arriaranen bizitza kontatzen duen liburua argitaratu du. Hain zuzen ere, Pakito Arriaran. De Arrasate a Chalatenango da lanaren izenburua. Nicolas Doljamin eta Ricardo Castellon dira biografiaren egileak.