Oraindik ofizialki konfirmatu ez duten arren, Paco Gartzia Arrasateko PSE-EEko zinegotzia Gasteizko legebiltzarkide izango da legegintzaldi berrian.
Gobernu berria
Patxi Lopez gobernua osatzen ari da eta ofizialki Sailburuak zeintzuk izango diren esan ez badu ere, izen batzuk agertu dira hedabideetan. Izen horietako batzuk dira Iñaki Arriola eta Genma Zabaleta gipuzkoarrak. Sozialisten barne araudiaren arabera, Sailburu izateko dimisioa eman behar dute legebiltzarkide moduan.
Gipuzkoan, zortzi legebiltzarkide
Sozialistek zortzi legebiltzarkide lortu zituzten Gasteizen azken hauteskundeetan; eta, Gartzia zerrendan bederatzigarrena da. Hortaz, sozialistek lortu zituzten zortzi legebiltzarkideetako bat Sailburu izendatzen badute, Gartzia legebiltzarkide izatera pasako da.
Gartziak berak ez du ukatu
GOIENA Gartziarekin harremanetan jarri da eta Gartziak ez digu baieztatu ezta ukatu ere legebiltzar berrian egongo denik. Arrasateko zinegotzi sozialista Haritz Arrietak ere ez du ukatu berria.