"Balorazioa da penagarria. Legegintzaldia hasi genuen ANVk eta EBk osatutako gobernuarekin. Saldu zituzten hainbat politika munduko panazea hoberena bailitzan eta urtebetean gutxiengoan daude. EBk behartuta utzi zuen gobernua Isaias Carrascoren erailketa eta gero. Hala ere, izatez ez dago gobernuan, baina bai eskubidez, PSE-EE izan ezik, gainerako guztiak moduan.
Gestioari dagokionez: zero patatero. Egiten dabiltzan bakarra da aurreko gobernuak utzitako proiektuak. Ez dago berririk. 10 milioi euroko superabita dago: egin ez diren proiektuak eta eginda egon behar zirenak. Hori bai, kasu horretan, arduraren zati bat EAJk osatutako udal gobernuak ere badu.
Etxebizitza gaiei dagokienez, gerta liteke abenduan 100 etxebizitza baino gehiago eginda izatea adjudikatario barik, udal gobernua ez delako gauza izan.
Hori guztia kontuan hartu barik Isaias Carrascoren erailketa eta gero gertatzen dabilen duintasun eza: oposizioan egon beharko litzatekeen eta gutxiengoan dagoen gobernua dugu. Estokolmoren sindromea dute, PSE-EEk izan ezik, gainerako alderdi guztiek”.