Hori bai, Arizmendi Ikastolaren eremuan, parean, nahiz azpian dauden aparkalekuetarako sarbidea zabalik utziko dute.
Kontuak kontu, zirkulazio orokorrarendako itxita dago Otalora, eta hala izango da abuztuaren amaierara arte. Hori horrela, Otaloratik beharrean, Garibai Etorbidetik desbideratu dute zirkulazioa.
Zabor bilketa
Era berean, mozketa horren ondorioz, zabor bilketa ere eten egingo dute Otalora kalean, beraz, Udalak abisatu du moztutako eremuan dauden zaborrontziak ez erabiltzeko kalea itxita dagoen bitartean.
Mozketa horren arrazoia obrak dira, Ferixalekua-Altamira lotzeko eraikitzen dabiltzan igogailu publikoaren obrak.