ELA, LAB, CCOO, UGT eta ESK sindikatuek deitu dituzte mobilizazioak. Emandako azalpenen arabera, lan baldintzengatik dabiltza protestan ospitaleko garbitzaileak. Gura dutelako lan hitzarmenean agindutakoa bete dezatela.
Hitzarmenaren arabera, Osakidetzak zuzenean kontratatuko langileen baldintzak eta Osakidetzako kontratek kontratatutako langileen baldintzak berak izan beharko lirateke.
1.000-4.000 euroren arteko aldea
Hori onartzen duen Erret Agindua 2009aren erdialdean argitaratu zuten. Baina protestagileek salatzen dutenaren arabera, Erret Agindua ez da bete langileen antzinakotasuna kontuan hartzeko orduan. Eta horren ondorioa da urtean 1.000-4.000 euro bitarteko aldea ematen dela bi langile moten artean. Osasun arlotik kanpo lan egiten duten langileen gainean gabiltza berbetan.
Protestak gogortu
Iragarri dute egoera aldatu ezean, gogortu egingo dituztela protestak. Hala, abenduaren 10etik aurrera goizean eta arratsaldean bina orduko geldialdiak egingo dituztela iragarri dute, eta egoerak berdin segituz gero, abenduaren 16rako greba iragarri dute.