Ospakizuna Santa Marinan obrak amaitzear direla-eta

Urtebetez obrek eragindako zarata, eragozpen eta ezerosotasunak amaituta, afaria antolatu zuten zapatu iluntzean Santa Marina kalekoek. Burrunbada itzela atera zuten obren amaiera iragartzeko eta ostean afaria egin zuten kalean bertan.

Umorerik ez zaie falta auzoan eta hori dela-eta, jaiak antolatu ohi duen txarangak deialdia egin eta afarirako mahaiak ipini zituen kale berrituan. Bakoitzak oturuntzarako bere janaria ekarri eta festarako gogo handiarekin auzotar talde batek turuta, danbor, akordeoi eta guzti ospatu zuen. Obren zaratak, hortaz, txarangaren burrunbadak ordezkatu zuen zapatu iluntzean.

 

Guztiz amaitu barik

Hala ere, obrak amaitzeko oraindik berdeguneen txukuntzea falta da, datozen egunetan egingo dutena.Urbanizazio lanak, baina, amaituta eta txukun geratu da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.