Martitzenean izan ginen 'Golo'-rekin, Cerro de Reyes taldeak Lagun Onaken kontra kopako partidua jokatu behar zuela aprobetxatuta. Arrasatekoak 20 urterekin utzi zuen Mondra, eta urte hauetan guztietan batetik bestera ibili da futbolean jokatzen (Eibar, Badajoz, Tarrasa, Toledo, Ourense, Jerez de Los Caballeros, Merida eta Cerro de Reyes).
Taldeak kopa jokatzera Gipuzkoara etorri behar zuela jakin zuenean berehala konbentzitu zuen presidentea, Debagoienara ekarri gura zuen taldea. Cerro de Reyes Eskoriatzako Mendigoia hotelean egon da aste barruan, baina eguaztenean Kopako partidutik esku hutsik itzuli ziren Extremadurara (2-1).
Arrasatekoa hirugarren mailako jokalari erregularrena izendatu dute, eta ez aurten bakarrik, azken urteotan komunikabideetatik lore asko jaso ditu.
Asteleheneko Goienkariak argitaratuko du Oscar Santor Golo-ri egindako elkarrizketa.