Gainera, lanak egiten lehenbailehen hasi beharko dira. Jakinarazi dutenez, ortu horiek egiteko diru-laguntza jaso gura badute, lanek urriaren 31 baino lehen hasita egon behar dute.
Ortu gehiago
Hasiera baten, asmoa zen 61 ortu egitea, bakoitza 80 metro koadrokoa baina Udala aztertzen dabil ea metro koadro gutxiago dituzten baratz gehiago egin daitezkeen. Zehazki, ortuen kopurua bikoiztu gurako lukete, orain arte 136 eskaera jaso dituzte-eta.
Interesa izanez gero, oraindik ere ortuen eskaera egin daiteke, epea zabalik dago-eta. BAZen egin behar da eskaera.
Lehentasunak
Hala ere, ortu horiek nork erabiliko dituen esateko zehaztapenak oraindik zehazteke daude. Printzipioz, herritar guztiek lukete aukera baina izan liteke Musakola eta Makatzena inguruetan ortuak dituztenek lehentasuna izatea, Udalak inguru horietatik ortuak kendu gura ditu-eta.