Orkestra sinfonikoak kontzertua egingo du, egubakoitzean

Arrasate Musikaleko Orkestra Sinfonikoak estreinaldiko kontzertua egingo du etzi, egubakoitza, 20:00etan, San Juan Bautista parrokian. Iker Olazabalen zuzendaritzapean, Arrasate Musikaleko ikasle ohiek, irakasle batzuk eta oraingo zenbait ikaslek parte hartuko dute.

Zartzuelako orkestratik eratorritakoa da Arrasate Musikaleko Orkestra Sinfonikoa. Hain zuzen, zartzuelako orkestran urte luzean parte hartzen ibili diren musikariak dira gehienak eta Iker Olazabal zuzendariak proiektuari jarraipena eman gura, Orkestra Sinfonikoa sortu dute.

Esandako moduan, egubakoitzean egingo dute aurreneko kontzertua, Udaberriko V. Musikaldiaren barruan. Besteak beste, Shubert, Beethoven eta Verdiren piezak interpretatuko dituzte.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.