Omenaldia eguerdiko 13:00etan hasi da, Joxe Letona enparantzan eta antolatzaileek aurreratu zuten moduan, "oso ekitaldi xumea"
izan da. Juanito Leibar, Letonaren lagun handi eta bere kronista zenak hartu du hitza, eta berarekin batera bizi izandakoak kontatu dizkie bertan bildu direnei. Ondoren, Joxemari Velez de Mendizabalek
Letonari buruzko hitz batzuk esan ditu, Arrasateko herriari egin dizkion ekarpen guztiak eskertuz. Ondoren, Letonaren familia guztia bertan zegoela bere alaba Mari Tereri lora eskaintza egin diote, eta Iñigo Arregik eman dio lore sorta; jarraian, Portaloi
abesbatzak puntua jarri eta bertaratutako herritar eta lagunek San Nikolas abestu dute, omenduak ikerketen bidez jorratu zituen herriko
ohituren adierazgarri moduan.
Omenaldi xumea
Omenaldia antolatzen ar¡tu den Iñigo Arregik adierazi digun bezala, "oso ekitladi apala baina berotasunez betetakoa eskaini nahi izan diogu Joxe Letona zenari. Herritar asko hurbildu da eguraldiak lagundu ez duen arren, denon artean Joxeri esker oneko keinua erakusteko, bere herriari beti azaldu zion maitasunarengatik" .