Elkartearen kirol helburuak, finantzazioa, herriko gaztedian saskibaloia nola bultzatu eta kide berriak lortzeko jarraitu beharreko pausoak dituzte egungo eztabaidan mintzagai.
Edozein kirol elkarte amateurrek dituen arazo berdinak ditu Arrasateko saskibaloi elkarteak. Taldeak aurrera jarraitzeko gogoa du eta hori lortzeko ezinbestekoa da erronka berriak izatea, kluba atzean ez gelditzeko.
Ointxe! elkartea k besteen esperientzietatik ikasi nahi du. Horregatik, Gipuzkoan kirol emaitza, talde kopuru eta ekonomia aldetik maila gorenekoak diren taldeen zuzendariak gonbidatu zituen atzo beraien funtzionamendua eta dituzten arazoak ezagutzeko.
Zarautz eta Easo kirol elkarteetako Dan Lertxundi eta Lorenzo Motos gonbidatu zituen atzo Kultur Atera, eta bertan, Arrasateko elkartekoak ez ezik, Bergara, Oñati eta Eskoriatzako saskibaloi elkarteen ordezkariak ere izan ziren.