Uztailaren 24an, zapatua 10:00etatik 21:00etara egongo da zabalik. Uztailaren 25ean, domeka, 10:00etatik 15:00etara.
Oinezko eta txirrindulariek Arrasate mendebaldeko saihesbidearen instalazioak eta galtzada "estreinatzeko" aukera izango dute, beraz. Bi kilometroko luzera duen errepide berri horrek egunero Aramaiora doan errepidea (GI-2620) hartzen duten milaka ibilgailu aterako ditu Arrasateko kaleetatik datorren uztailaren 26tik, astelehenetik, aurrera.
Esperientzia honi esker, bertara gerturatzen diren bizilagun eta jakingura duten pertsona guztiek Gipuzkoako bide sareko bi noranzkoko tunelik luzeenean barrena (Olandixo, 860 metroko luzera) ibiltzeko aukera izango dute, bi egunetan zehar.