Adibidez, Uribe kalea eta Garaia gunearen arteko argiteria berritzeko proposamena aztertuko dute. Eta baita ere herriko errepideetan automobilen abiada moteltzeko sistema gehiago erosteko proposamena.
Horrekin batera, bi txosten aztertuko dituzte: bata errekara ur zikinak isurtzearen gainekoa eta bestea 2007ko hiri bus edo autobus urbanoaren zerbitzuaren gainekoa. Eta Zerbitzuen Sailarekin bukatzeko, udal azokan hutsik dauden saltokiak adjudikatzeko arauen onespena aztertuko dute.
Bestelako ataletan, jakinaraziko dute Kantauri isurialdeko ibai eta erreken antolamenduaren PTS-aren hasierako onarpena aztergai izango dutela eta jendaurrean ipiniko dutela, gura duenak kontsulta dezan.
Eta Kultura eta Gazte Sailei dagokienez, batetik apirileko eta maiatzeko kultura egitarauak aztertuko dituzte, haien aurrekontuak onartzeko eta bestetik, Gipuzkoako Foru Aldundiaren Gaztemaniak izeneko egitarauari dagokion hitzarmena sinatzeko proposamena aztertuko dute.