Nortasun agiriak egiteko txanda berriak, gaurtik aurrera

Biztanleen Arreta Zerbitzutik (BAZ) jakinarazi dute nortasun agiriak egin edo berritzeko aukera izango dela berriro ere Arrasaten. Eta gaurtik aurrera (martitzena) has daitekeela txanda hartzen. Txanda har daiteke telefonoz (943 25 20 00) edo BAZera joanda.

Hemendik eta abendura bitartean hiru txandatan etorriko dira Arrasatera nortasun agiriak egitera: urriaren 27 eta 29an; azaroaren 24an eta 26an eta abenduaren 10ean eta 18an.

Bi bide daude txanda hartzeko: Biztanleen Arreta Zerbitzura bertara joanda edo telefonoz deituta: 943 25 20 00. BAZeko ordutegia da astelehenetik egubakoitzera, 08:30etik 19:00etara eta zapatuetan, 09:00etatik 13:00etara.

Hilero 80 lagun

Arrasateko zerbitzuaren erabiltzaileen datuak ere eman dituzte BAZetik: hilean 80 bat lagun etortzen dira; eta arrasatearrez gain, inguruko herrietatik ere jende ugari etortzen da nortasun agiriak egitera Arrasatera. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.