Ingurukoak moduan, arrasatearrak ere ezustean harrapatu ditu goizeko elurteak. 06:00etan hasi dela kontatu dute udaltzaingotik, eta elurra kentzeko Udalaren makinak etengabe lanean dabiltzala. "Laster igoko dira goiko auzoak garbitzera", Bedoña eta Udala, adibidez. Edozelan ere, zorionez, momentuz ez da istripu esanguratsurik gertatu herrian, "txapa konturen bat egon da, baina besterik ez", diote udaltzaingotik.
Egunak aurrera egin ahala, baina, litekeena da egoerak okertzera egitea. Euskalmeten eguraldi aurreikuspenak zera dio: "Ipar-haizea ibiliko
da eta prezipitazioa ia egun osoz egingo du. Elur-kota 400-600 m-ra
kokatuko da goizean, arratsaldean 200 m-ra jaitsiz. Gainera, egunaren
amaieran izotza botako du berriz ere".
Kontuan hartuta Soraluze 100 metrora dagoela eta dagoeneko 07:30ean Arrasate baino zuriago zegoela, gaur gomendioa da, derrigorrezkoa ezean, automobilik ez hartzea.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
