Natale Landa 2007ko azaroaren 30ean atxilotu eta espetxeratu zuten, epaileek ihes egin zezakeen arriskua argudiatuz. Hasiera baten 11 urteko kartzela zigorra ezarri zioten, eta apirilaren 28an askatu zuten arte, Soto del Realen (Madril) eta Curtisen (A Coruña) egon da espetxeratuta. Joan den aste bukaeran eman zen jakitera epaileek absolbitu egin zutela.
Atzo, egubakoitza, ekitaldi jendetsua egin zuten Arrasaten, eta herriko hainbat taldek eta lagunek opariak eman zizkioten eta bertsoak abestu zizkioten.
Bukaeran, Landak azpimarratu zuen nahiz eta kalean egon, ez dela "batere aske sentitzen, herria ez delako askatasunean bizi". Eta herritarrei eskatu zien "eraikuntza nazionalean" jarraitzeko. Ekitaldia bukatu ostean, manifestazioa egin zuten.