Nafarroa etorbideko ezkiak kendu egin behar dituzte eta haien lekuan, bertakoak landatuko dituzte, haritzak, pagoak edo antzerakoak. Udaleko ordezkariek emandako azalpenen arabera, inguru hartan eraikitzen dabiltzan babes ofizialeko etxebizitzen parean 19 ezki daude ilaran. Baina azken urteotan inguruko obrek kalteak eragin dizkie zuhaitz horiei, zauriak. Horrez gainera, obra horien inguruko espaloia berritu egin behar dute eta horrek zuhaitzei kalte handiagoak eragiteaz gainera, behin obrak bukatuta, espaloiaren erdi-erdian geratuko lirateke ezkiak.
Nafarroa etorbideko zati batean dagoen zuhaiztia txukundu egingo du Udalak. Hain zuen ere, hiltegiko biribilgunearen eta INEMeko bulegoaren artean dagoen zuhaiztia. Hori egiteko, orain dauden zuhaitzak kendu eta berriak sartuko dituzte.
Segurtasun arrazoiak ere aipatu dituzte: "Azkeneko hiru urteotan ezkiak ez dira inausi obra barruan geratzen zirelako. Hori dela-eta, haien itxura estetikoa asko hobetu da, baina galdu dute segurtasun maila", azaldu du Moises Altunak, Obren Saileko teknikari-buruak.
zaharren partez, hemengoak
Hori ikusita, hainbat alternatiba aztertzen ibili dira Udalean, baina ez dute beste irtenbiderik aurkitu eta erabaki dute 19 ezkiak kendu eta haien partez zuhaitz ilara berria landatzea, behar bezala lerrokatuta. Gainera, erabaki dute ezkiak partez, bertako zuhaitz motaren bat landatzea, adibidez, haritzak, pagoak edo astigar arruntak, haiek zaintzea errazagoa delako.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak