Musakolako San Isidro elkarteak irabazi du aurtengo doke txapelketa

Lehia bizia egon zen egubakoitzean Kondekuan, aurtengo doke txapelketa eskuratzeko. San Isidro gastronomi elkarteko bikoteak 55-22 irabazi zion Udaleko ordezkarikoari.

Guztira, bederatzi gastronomi elkarte lehiatu ziren egubakoitzean, 28. Doke Txapelketan: San Isidro, Bidegan, Santa Marina, Egipe, Hamaika gazte, Udalpe, Uribarri, Txalaparta eta Ziorla.

Kondekuan inguruan jende asko bildu zen, jokalariak dokean zelan jolasten zuten ikusteko. Gastronomi elkarteen lehien ostean, San Isidrokoek finala jokatu zuten, Udaleko ordezkarien kontra. Oihana Aranburu eta Patxi Arburua aritu ziren zeregin horretan.

Musakolakoak nagusitu ziren, 55-22. Beraz, azken urteetan bezala, Udalak ordaindu beharko du txapelketaren ostean egindako sardina jana.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.