MUko 220 ikaslek hartu zuten parte atzo, Fakultateen arteko VIII. Txapelketan

Unibertsitateko Kirol zerbitzuak antolatuta Mondragon Unibertsitateko ikasleek fakultateen arteko VIII. Kirol txapelketa jokatu zuten atzo. Helburua, ikasleen artean kirola bultzatzea izan zen. Gainera, txapelketa bakoitzeko irabazleek Euskadiko txapelketan parte hartuko dute martxoaren 5ean.

Arrasate, Oñati, Eskoriatza, Ordizia eta Iruneko fakultateetako ikasleak ibili ziren jokoan; guztira, 200 ikasle baino gehiago. Musakolako kiroldegian ibili ziren; eta, hainbat kirol egiteko aukera izan zuten. Saskibaloia, areto futbola, tenisa eta futbola, besteak beste.
Txapelketa hauen helburua, ikasleen artean kirola sustatzea dela esan zuen txapelketako antolatzaile den Ainhoa Unamuno bergararrak. Gaineratu zuen, kirola sustatzeaz gain, ikasleentzat harremanak egiteko aukera ona dela txapelketa; izan ere, Mondragon Unibertsitateko fakultate guztietako ikasleak batu ziren Arrasaten. Txapelketaren ondoren, gainera, bazkaria izan zuten Unibertsitatean.

Euskadiko txapelketa

Bestalde, Arrasateko txapelketa bakoitzeko irabazleak Euskadiko txapelketan parte hartzeko aukera izango du. Euskadiko txapelketa martxoren 5ean jokatuko da.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.