Lehen laurdenean Goierri Verkol taldeko jokalari De Miguel izan zen onena 20 punturekin. MUko Arantzabal izan zen jokalari bakarra hari aurre egiteko gai (12 puntu eta hiru berreskuratze).
Bigarren laurdenean MUri indarra bukatu zitzaion, eta lehen zortzi minutuetan 17-2ko partziala jaso zuen. Baina, MUko entrenatzaileak hutsartea eskatu zuen eta 4-11ko partzialarekin partiduan sartu ziren berriro ere.
Indar barik laugarrenean
Hirugarren tartea parekatuena izan zen. MUko Xabier Anasagastik egindako lanari eskeri joko ona egin zuten arrasatearrek, eta desabantaila txikitzen hasi ziren. Baina unerik erabakigarrienean, laugarren tartean, indar barik geratu ziren berriro eta partiduak ihes egin zien.