Titulua jasoko duten ikasle kopuruari dagokionez, 65 industria-ingeniaritzakoak dira, 39 industria-antolaketako ingeniaritzakoak, 35 informatika-ingeniaritzakoak, 27 automatikako eta industria-elektronikako ingeniaritzakoak, eta 21 telekomunikazio-ingeniaritzakoak. Ekitaldi akademikoan zehar, Mondragon Unibertsitateko 12 doktoreri ere emango zaizkie diplomak.
Eskaintza, Europakoarekin bat
Mondragon Unibertsitateko Goi Eskola Politeknikoa ingeniaritzako eta gizarte-zientzietako zortzi titulazio eskaintzen hasiko da hurrengo ikasturtean. Titulazio horiek guztiak Europako eskaintzarekin bat datoz. Izan ere, Mondragon Unibertsitatea da Europako eskaintzarekin bat datozen titulazioak emango dituen euskal unibertsitate bakarra. Honako hauek dira aipatutako titulazioak:
- Industria-ingeniaritzako gradua / Industria-teknologietako ingeniaritza + Industria-ingeniaritzako masterra.
- Telekomunikazio-ingeniaritzako gradua / Oinarrizko teknologietako telekomunikazio-ingeniaritza + Telekomunikazio-ingeniaritzako masterra.
- Ingeniaritza mekanikoko gradua.
- Industria-elektronikako eta automatikako ingeniaritza-gradua.
- Industria-antolaketako ingeniaritza-gradua.
- Informatika-ingeniaritzako gradua.
- Industria-diseinuko eta produktuen garapeneko ingeniaritza-gradua.