2005ean aho batez onartu zuten Arrasateko
Mugikortasun plana. Plan horren helburua herriaren erdigunean ibilgailu
pribatuaren erabilera gutxitzea zen, pertsonen mugikortasuna errazteko.
Horretarako, azpiegitura berriak ezartzeko eta garraio publikoa
erabiltzeko ohitura herritarren artean zabaltzeko beharra ikusi zuten,
eta azken urtean, garraio publikoak eskaintzen zuen zerbitzua hobetu
egin da, antza, maiztasun handiagoaz pasatzen dira-eta orain autobusak.
Plana diseinatu zuten Intra enpresakoek adierazi dute etorkizunean eta ingurunean pentsatuz egin dutela plana. Eta Garibai etorbideari dagokionez, hori gabe funtziona daitekeela jasotzen da bertan, trafikoa beste toki batzuetatik bideratuz.
Edonola ere ez dute baztertzen Garibain bertan oraindik ere beste aldaketa batzuk egitea ibilgailuen gehiegizko abiadura saihesteko.Mugikortasun planak aldaketa ugari ekarriko ditu gerora begira, erdialdeko ibilgailu kopurua jaisteko neurriak hartu beharko dituztelako.
Nafarroa etorbidea erdialdea kanpokoarekin konektatzeko bide nagusi bilakatzea da asmoetako bat.Horrez gain, autoak espaloi ertzetatik kendu eta parkingetara bideratuko dituzte, Olandixon zubi bat egin gura dute, eta datorren urtean egun idazten ari diren tranbiaren proiektuko obrak hasiko dira. Bizkaibus enpresarekin ere jarri dira harremanetan, konpainia honek Arrasaten zerbitzua emateko negoziaketetan ari dira.