Kartilagoak birsortu
Lehen proiektuan MUko ikertzaileak euskarri metalikoak eta pilomerikoak garatzen dihardute, ondoren zelula amen hazkuntzarako egokiak diren zehazteko. Ikerketaren ardatza kartilago artikularra laborategian birsortzea da, ondoren pazienteari jartzeko. Hala, kartilagoen lesioetarako beste prozedura terapeutiko batzuk garatu ahalko dituzte, eta ebakuntza arinagoak egin ahalko dizkiete. Proiektu horren helburua da zelula amen hazkuntzaren bitartez lokomozio-aparatuko ehunak birsortzea.
Bigarren esparruan bi proiektutan dihardute lanean. Alde batetik, bularreko minbizia garaiz antzemateko sistema informatikoa garatzen dihardute, esperientzia faltagatik edo beste arrazoi batzuengatik sor daitezkeen giza akatsak saihesteko. Euskal emakumeen artean bularreko minbizia da tumore gaizto ohikoena eta urtero 100.000 emakumeko 40 kasu antzematen dituzte.
Infekzio nosokomiala
Beste alde batetik, ospitalean hartzen diren infekzioak –infekzio nosokomialak– antzemateko proiektuan lantzen dabiltza. Horretarako Web Semantikoa erabiliko dute, infekazioa hartu dutela antzemateko. Gainera, ze mikro-organismo den, non dagoen eta beste gaixo batzuk kutsatzeko duen ahalmena antzeman ahalko dute, ondoren babes neurriak hartu ahal izateko.