Etxeetako leihoak itxi eta bermatu, balkoietatik kendu lorontziak eta kalera eror litezkeen objektuak, andamioak bermatu eta garabiden eta lan tresnen egoera berrikusi. Horiexek dira Arrasateko Udalak etxeetarako helarazi dituen gomendioak.
Etxetik kanpo zela jokatu
Etxetik irtenez gero, berriz, honako gomendioak kontuan hartzea komeni da: mendira ez joatea eta kostaldera ez hurbiltzea, erlaizetatik, paretetatik, zuhaitzetatik eta publizitate hesietatik urruntzea, kontu berezia izatea obrekin eta egoera txarrean dauden eraikinekin eta automobila ez erabiltzea, ezinbesteakoa ez bada.
Pintxo-potea, atzeratuta
Bestalde, Haitiren alde gaur Biteri plazan egitekoak ziren pintxo-potea atzeratu egin dute. Datorren zapaturako, martxoren 6rako egin dute hitzordua.