Monterron gainezka, Pirritx, Porrotx eta Mari Motots pailazoei begira

Eguraldiak errespetatu egin zuen Pirritx, Porrotx eta Mari Motots pailazoek Arrasaten atzo egin zuten ikuskizuna eta Monterron lepo bete zen Katxiporreta taldeko "piraten" bihurrikeriak ikusteko. Saioaren amaiera aldera, gainera, Eguzki Laru eta Txatxilipurdiko lagunek ere bat egin zuten pailazoekin, Arrasateko umeen gozamenerako. Deigarria da, hori bai, argazkiak erakusten duen moduan, ume bezain beste heldu izan zela atzo Pirritx, Porrotx eta Mari Mototsen saioa ikusten. Zein ibiliko ote zen hobeto?