Aurreko aste bukaerako emaitzen ondoren, UDA sailkapeneko gorengo tokietan dago. Tolosa liderra menderatu ondoren, hirugarren tokian dago 28 punturekin. Igor Gordobilen taldeak lider bukatu dezake urtea, Mojategiko derbia irabazi eta Hondarribiak Aurreraren aurka galdu ezkero.
Sailkapenari begiratuta Mondraren egoera okerragoa da. Hamaikagarren tokian dago 20 punturekin. Andoni Azkargortaren taldearen erronka nagusiena etxeko partiduak irabaztea da. Etxetik kanpo lortzen dituen puntuak Mojategin galtzen ditu. Aste bukaeran launa berdindu zuen Euskaldunaren aurka. Urtea bukatzeko garaipena eskuratu gura dute etxeko zaleen aurrean.