Mondrak ez daki non egin aurre-denboraldia

Arrasateko taldea segituan hasiko da datorren denboraldia prestatzen. Hala, jokalariak datorren eguenean, hilak 12, elkartuko dira, datorren urtearen gainean berba egin, fitxak bete eta bestelako tramiteak burutzeko. Baina, oraindik ez dakite Atxabalpen edota Mojategin elkartuko diren, ez diete-eta esan non hasiko duten aurre-denboraldia.

Izan ere, preferenteko taldea hilaren 16an hasiko da entrenatzen,
gero oporrak hartzeko. Hala, zuzendaritzako kideek Mojategin gura
dute lanean hasi, besteak beste, futbol zelaira lehenbailehen
egokitzen hasteko.


Batzar orokorra, eguaztenean

Horrekin batera, Mondrak datorren eguaztenean, hilak 11, egingo du
urteko batzar orokorra (Kulturaten, 18:30ean). Joan den
denboraldiaren gaineko errepasoa egin, datu ekonomikoak ezagutzera
eman eta datorren urterako dagoen asmoaren berri ematea da
batzarraren helburua.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.