Mondragon Unibertsitatea EBA-ko taldea izango da domekan irabazita

Iritsi da ordua. Matematikek ezer baieztatu barik ez zen komeni ospakizunetan hastea, eta hori jakinda, zuri-moreek lanean jarraitu dute. Orain bai, domekan (18:00, Iturripe) irabazita zenbakiak Iñaki Merinoren mutilen alde egongo dira. Asteleheneko Goienkaria-n Edu Mendibilek idatzi moduan, MUk hiru match point ditu aurrean, eta domekakoa gaindituta, zuri-moreek azken urteotako lanaren ordaina izango dute: EBA.

Zubia dela-eta, oraingo asteburuko partidua domekara atzeratu dute. Hori horrela, zapatuan beharrean MUko jokalariek domeka iluntzean ospatu ahal izango dute garaipena; astelehenean, biharamun gozoa.
Horretarako, baina, sailkapenean ezer jokoan ez duen Urdanetari irabazi behar: "Ez da kontrario batere erraza", adierazi du taldeko kide Gorka Kintanak. Iagoba Gamarra ere iritzi berekoa da: "Ez dute aparteko kalitaterik, baina taktikoki oso ondo landuta dagoen taldea da. Akaso, orain izan dezakegun kontrario deserosoenetakoa da".

Informazio gehiago hemen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.