Udal aurrekontua indartzeari dagokionez, udal gastuak ugaritzeak (laguntza eskaera gehiago, bereziki) eta diru-sarrerak gutxitzeak eragin du diru gehiagoren beharra zenbait lehentasuni aurre egiteko. Hala, Arrasateko Udalak ia milioi bat euro desbideratuko ditu horretarako; hain justu, 972.115 euro.
Larrialdi egoeretarako laguntzak
Diru hori erabiliko du, besteak beste, larrialdietako laguntzetarako (250.000 euro), Zerrajera 2 urbanizatzeko (500.000 euro) eta Iturbide Egoitzan inbertsioak egiteko (100.000 euro). Eta diru hori lortuko dute lehenagotik Udalean dagoen soberakinarekin (707.115 euro) eta zenbait sailetako gastu gutxitzearekin.
100 eurotik gora
Eta zerga ordainketetako atzerapenak edo zergak zatika ordaintzeko eskaeren araudiari dagokionez, berriz, jakinarazi zuten eskaerak egiteko inprimakiak BAZen izango direla eskuragai. Eta era berean, zergak zatika zela ordaindu ere zehaztu zuten. Adibidez, 100 eurotik beherako zorrak ezingo dira zatikatu, salbuespen egoeretan izan ezik; 100 eta 400 euro arteko zorrak ordaintzeko, asko jota hiru hileko epea emango dute eta 400 eta 3.000 euro artekoak ordaintzeko, berriz, asko jota 12 hilabete.