Eduki hau partekatzeko esteka arbelera kopiatu da.
Gertuko ahaidea ala zuzeneko konpetentzia izan dakiokeena agertu zaio kutxako birjinari ez oso urruti. Aurtengo Iurretako sanmigeletako ekarpen berrietako bat da: jai batzordeak iurretar guztiak dotore aterarazi gura ditu urriko lehen barikuan, Maritxu Kajoi egunean bertan eta bezala. Martitzenean batzordekoek egitarauaren aurkezpenean agertu zutenez "Arrasatekoei protagonismoa kentzeko asmorik ez dago" baina Eneko Abasolok azaldu zuenez "ideia polita iruditu" zitzaien herritarrak "dotoreak iruditzen zaizkien arropekin jaietan irtetea". Sanmigelak irailaren 28tik urriaren 3ra ospatuko dituzte Iurretan.