Estatuko metal beltza, etzi
Etzi, berriz, black metal kontzertua izango da estatuko beste hiru talderekin: Coruña aldetik Marthyrium taldea etorriko da; Kantabriatik Eldereon eta Valentziatik Profundis Tenebrarum. Sarrerak 10 euro balioko du eta kontzertu hori ere 22:30ean hasiko da.
Marthyrium taldea 2006an sortu zen eta 2007an egindako azken diskoaren aurkezpena egingo du Arrasaten: Rites of Vengeance & Darkness.
Kantabria aldetik Eldereon taldea etorriko da. Duela 14 urte sortutako taldea da, eta 2007an egindako diskoaren abestiak joko dituzte. Azken disko horren izena Insane Dreams of the Forgotten Ones da. Azkenak taulara igotzen valentziarrak izango dira. 1997 urtean atera zuten beraien lehen diskoa –Dark and Eternal– eta aurten zazpigarrena kaleratu dute: Pathogenesis. Disko horretako abestiak joko dituzte.