Aurten 20 bat komertzio egongo dira Uerkapen – azken orduan ere batu liteke bateren bat –, ia guztiak arropa dendak eta umeendako jantzietan ere aukera zabala egongo da. Aurten ez da, iaz bezala, euro bateko sarrerarik kobratuko.
Txartelarekin, opariak
Hain zuzen, hori da aurtengo berrikuntzetako bat baina baita ere erosketak Ibai-Arte txartelarekin egiteko aukera ere. Aurtengoan 10 eurotik gorako erosketak ordaindu ahal izango dira merkatarien elkarteak ateratako abantailen txartelarekin. Horrez gain, azokan bertan ipiniko dute elkartearen standean txartela erakusten duten bezeroen artean astebeteko bidaia Tenerifera eta Kantabrian asteburu bateko egonaldia zozkatuko dituzte, erosketak egin zein ez.
Azokan bertan ere egongo da txartela egiteko aukera eta baita zozketan parte hartzekoa ere. Bazkide berri guztiek ardo botila bana eskuratuko dute gainera. Aurten ez da haurtzaindegi zerbitzurik egongo ia jende gutxik erabili zuelako.