Merkemerkaua 2008 izeneko ekimena antolatzea da asteleheneko batzarrean udal gobernuak aztertuko duen puntuetako bat. Iaz egin zuten lehenengo aldiz ekimen hori, herriko hainbat dendarik eskaintza bereziak eginez, merkealdien azoka bat antolatu zuten, alegia.
Horrez gainera, udal gobernuak Santa Ageda eguna gertu dugula gogora ekarriko du, izan ere, Gesalibarko auzotarrek eskatu dute laguntza auzoko jaiak antolatzeko. Halaber, Santa Agedako Koroei dirulaguntza ematea ere aztertuko dute astelehen arratsaldeko batzarrean.
Eta, besteak beste, obren atalean, berriz, azpiegitura berri bat aurkeztuko dute: Gazteluondo eta Arrasate Pasealekua batzeko bide bat egitea. Hala, obra hori egiteko proiektua idazteko lanak esleitzea da aztertuko dutena. Eta obren atalean, baita ere, landuko dute puntu bat Ferrerias kalean plaza txiki bat sortzeko.