Mekanikalaneko langileek salatu dute Jaurlaritzaren auditoriak irregulartasunak dituela

Julen Iriondo 2010ko ots. 5a, 13:48
Langileek adierazi dute Eusko Jaurlaritzak enpresaren egoera aztertzeko egindako auditorian ez zuela Mekanikalan bakarrik kontuan izan, baizik eta baita ugazaba beraren beste bi enpresak ere. Horrela galerak agertzen omen dira kontuetan, baina enpresok ez dutela talderik osatzen eta soilik Mekanikalanen egoera aztertu beharko litzatekeela diote beharginek.

Mekanikalanek 3 milioi euroko zorra, baina 6 milioi euroko aktiboak dituela adierazi dute. Enpresa laster itxiko dutela uste dute; langileek eskatzen dute ez ixteko, eta ixten bada dagozkien kalte-ordainak jaso ditzatela. Lan agintaritzaren deiaren zain daude orain, euren bertsioa emateko; alde bien iritzia ezagututa agintaritzak txostena idatziko du eta epaileari eman, honek azken erabakia hartu dezan. Erabakia hartu aurretik kontua ondo ikertu dadila eskatzen dute langileek.

ALBISTEAK ESKUKO TELEFONOAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.

ASTEBURUETAKO BULETINA

Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.


Harpidetza aukera guztiak