2005ean onartutako Genero Indarkeriaren
aurkako Lege Integrala "positibotzat" jo bazuten ere, urtetik
urtera hilketa kopuruak gora egiten duela eta beraz lege horri "zerbait
falta" zaiola ohartarazi zuten. Hala, adibidez, tratu txarrak direla-eta, salaketa jartzen dutenen
lau emakumeetatik bat gaztea dela adierazi zuen. Horrez gain, iaz Estatu
espainiarrean hil zituzten 68 emakumeetatik %30ak baino ez zuela aurretik
bikotea salatu esan zuen. "Arazo larri baten aurrean" gaudela
eta horren aurrean, sentsibilizazioa ezinbestekotzat jo zuen. Erakundeek
egiten dutena ere "ez dela nahikoa" eta epe motzera, "baliabide
gehiago" abian jarri behar direla esan zuen. Mankomunitateak bultzaturiko
zerbitzuak eskatu zituen, "udalerri txikienetara ere irits daitezen".
Azkenik, Emakume Txokoak egiten duen lana txalotu zuten.
Emakumeenganako indarkeriaren aurkako egunari begira, 'Emakume asko falta dira, erailak izan dira eta zuri bost axola' leloa aukeratu du Arrasateko emakumeenganako indarkeriaren kontrako plataformak. Agerraldia egin zuten atzo, hausnarketa eragiteko eta datozen egunotan egingo diren ekimenen berri emateko. Domekan elkarretaratzea egingo dute 19:00ean herriko plazan.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak