Uarkape frontoian egin dute hitzordua gaur zortzirako, martxoaren 4rako, babes ofizialeko 175 etxebizitza zozketatzeko. Eusko Jaurlaritzak bultzatutako promozioen barruan egindako etxebizitzak dira eguaztenean zozkatuko dituztenak: Zabalguneako (Gelma) 131 etxebizitza eta Uribarriko 44 etxebizitza.
Halakoetan ohi duten moduan, zozketa publikoa egingo dute. Eguerdian hasita, Jaurlaritzako ordezkariak izango dira Uarkapen.
Lurrazal-eskubidea
175 etxebizitza horietatik 75 izango dira lau urteko antzinatasuna duten eskatzaileendako; 65 etxebizitza izango dira 25 eta 35 urte bitarteko eskatzaileendako eta beste zortzi elbarriendako. Gainerako 27 etxebizitzak kupo orokorrekoak izango dira.
Etxebizitza horien lurrazal-eskubidea da Jaurlaritzak zozketatuko duena; hau da, 75 urterako etxebizitzak dira. 130.000 eta 140.000 euro bitarteko prezioa dute eta garaje eta trastelekuarekin adjudikatzen dituzte.