Maritxu Kajoi Komisiñuaren balorazio gazi-gozoa

Maritxu Kajoi komisiñuak aurtengo ekitaldien gaineko balorazio gazi-gozoa egin du. Gozoa da balorazioa, Maritxu Kajoi egunari dagokiona. Gazia, berriz, Nobenaixuari dagokiona.

Komisiñuak dio “herritarrez lepo” egon zela herriaren alde zaharra gau eta egunez, eta “oso arrakastatsuak” izan zirela “egitarauko ekintza ezberdinak”. Horrekin batera, eskertu egin gura dituzte jaian lagundu duten erakunde, taberna, jatetxe eta saltokiak.

Bizikidetza "arrisku larrian"

Balorazio gaziari dagokionez, berriz, Nobenaixo Egunean gertatutakoaren haritik egin dute. Diote “kasik kolokan” egon zela “hiru arrasatearrek merezi zuten omenaldi beroa, Ertzaintzaren mehatxuengatik”. Hori horrela, adierazi dute “poliziaren tankera horretako jardunaldiek arrisku larrian jartzen dutela bizikidetza, tentsioa sorrarazten dutela eta ez diotela jaiari inolako mesederik egiten”. Euren esanetan, “polizia ez da ongi etorria, bere helburua jaia puskatzea bada”. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.