Manifestazio ixila iluntzean, joan den asteburuan gertatutakoa salatzeko

Manifestazioa dago gaurko deituta Arrasaten, 19:00etan, Herriko Plazatik abiatuta. 'Utzi Arrasate bakian!' da leloa, eta antolatzaileek azpimarratu dute protesta isila izango dela. Momentuz, gaurko protestak badauka baimena.

Gaurko manifestazioa egiteko baimena eskatu zuten antolatzaileek, eta momentuz ez dute ezezkorik jaso. Herrizaingo Sailean galdetuta, aditzera eman dute, ezustekorik ezean eta baimena eskatuta baldin badago, seguru aski baimena izan izango duela manifestazio horrek.

Gogoan izango duzuen moduan, joan den asteburuko gertaeren harira dator gaurko manifestazioa. Presoen aldeko elkarretaratzeak baimendu egin zituen Auzitegi Gorenak, gero debekatu Audientzia Nazionalak. Eta horren ondorioa izan zen polizia etorri zela Arrasatera eta tentsio une handiak izan zirela herrian.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.