Erguin auzoa urbanizatzeko lanen barruan kokatutako obrak laster hasiko dira. Oraingoan Elizalde kalean izango dira, eta Udalak obra hauek esleitzeko lehiaketa publikorako deialdia egin du. Hori bai, enpresa interesatuak maiatzaren 26a baino lehen aurkeztu beharko ditu proposamenak. Aurrekontua 450.000 eurotan zehaztu dute eta behin obrak hasita, enpresa arduradunak bost hilabeteko epea izango du.
Oinezkoei lehentasuna
Obra hauekin oinezkoei lehentasuna eman nahi diote. Hala, Elizalde kalea izankidetasuneko kale bilakatuko dute, hau da, oraindik ere autoak sartu ahal izango diren arren, oinezkoek izango dute lehentasuna. Gaineratu dutenaren arabera, Uribarriko etxeak egiten dituztenean izango du jarraipena Elizalde kaleak, baina bakarrik oinezkoentzako izango da.
Zoladura lanak egiteaz gain, kaleko azpiegiturak berritu egingo dituzte: ura eta argindarra kasu. Espaloia eraikiko dute eta zenbait zuhaitz ere landatuko dituzte, egun dagoen berdegunea txukundu ahal izateko.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak