Kasu guztietan, lan poltsetan sartzeko interesa dutenek ez dute aldez aurretik izena eman beharrik izango. Baizik eta, Udalak zehaztutako egun eta orduetan joan beharko dute Udaletxera, dagozkien frogak egitera.
Hala, liburuzain laguntzaile izateko frogak martxoaren 4an egingo dituzte eta gizarte langile izateko frogak, berriz, martxoaren 5ean. Hurrengo egunean, liburuzain lan poltsa sortzeko frogak egingo dituzte eta bukatzeko, martxoaren 12an egingo dituzte kultur laguntzaileen lan poltsa sortzeko frogak. Kasu guztietan 10:00etan egin dute hitzordua.
Lan poltsa horietara aurkezteko bete beharreko baldintzak eta bestelako informazioa eskuratu gura izanez gero, Udaleko Pertsonal Sailean edo Udalaren webgunean kontsulta daiteke. Helbidea da www.arrasate-mondragon.org.