ELA sindikatuak salatu duenez, enpresak "soldatarik ez du ordaintzen irailetik eta EREan daude azarotik". Eta zera ere gaineratu du: LASA "itxi nahi dute orain lanik ez dagoela argudiatuz. Hori bai, gaur egun oraindik lana eskaintzen dute eta Txinan egiten da lana LASAko planoekin".
45 eguneko kalte ordaina gura
Emandako xehetasunen arabera, FOGASAren bitartez dabiltza soldatak kobratzen. "Baina FOGASAk bost hilabetekoa estaltzen du bakarrik, hortik aurrera norberaren langabeziatik jaten" dabiltzala adierazi dute.
Horrez gainera, kalean geratuz gero, 20 eguneko kalte ordaina emango dietela jakinarazi diete langileei, eta sindikatuak 45 egunekoa gura du. Erabaki hori ere epailearen esku dago.
Enpresa ixten denean kalean geratuko direnen egoera ere azpimarratu gura izan du ELA sindikatuak: "Gazteenak 34 urte ditu, eta gero 40 urtetik gorakoak gara guztiak".
Enpresarena
LASA enpresako zuzendaritzarekin ere jarri gara harremanetan, euren ikuspuntua azal dezaten, baina esan dute nahiago dutela adierazpenik ez egin.
LASA enpresa Markuleteko industrialdean dago. Lineas Automaticas da izen osoa.