Lapurreta egin dute denda batean goizaldean

Ertzaintzak emandako informazioaren arabera, goizaldeko 2:30ak inguruan abisua jaso dute Arrasatetik, Markiegi dendan lapurreta egin dutelako. Markiegi saltokitik kontatutakoaren arabera, dendaren kanpoko alarmak ez du abisurik eman lapurrak sartu direnean, baina herritar batek badirudi zerbait entzun duela eta hark abisatu diola poliziari.

Izan ere, eta Barne Sailetik emandako xehetasunen arabera, Markiegi dendaren atearen kristala apurtuta sartu dira lapurrak barrura eta barruko materiala lapurtu dute, jertseak, txamarrak eta beste; orain lapurtutakoaren inbentarioa egiten dabiltza dendakoak.

Horrez gainera, Arrasateko udaltzaingoak emandako informazioaren arabera, kale berean dagoen estankora sartzen ere ahalegindu dira; estankoaren sarraila indarrez apurtzen ahalegindu dira, baina ez dute lortu; hortaz, ezin izan dira barrura sartu.

Beraz, hoixe, badirudi atzera ere lapurretak ugaritu direla gurean; gogoan izango duzuen moduan, joan den astean Bolintxo okindegian sartu ziren eta 600 euro eraman.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.