Horrez gainera, Gorostizan (Uriben) haur parkea ipintzeko lanen adjudikazioa ere aztertuko dute gaur gobernuko kideek. Eta obrekin jarraituz, herriko zenbait gune hobeto argiztatzeko porposamenak ere aztertuko dituzte, besteak beste, Mojategi eta Kataide industrialdearen artean dagoen pasabidea argitu gura dute.
Eta bestelako gairen bat aipatzearren, Bizkaia etorbideko garajeen eraikina berbagai izango dute arratsaldeko batzarrean; hain justu ere, oinezkoen pasabidea egin gura du Udalak garaje horien eraikina auzoarekin lotzeko, eta proiektua idazteko lanak adjudikatu gura dituzte.
Hori gaur arratsaldeari dagokionez, baina oraingo asterako beste hitzordu bat ere egin dute ja alkatetzatik: osoko bilkura. Eguenean izango da, ohi duten moduan, 19:00etan hasita.
Astelehenari dagokionez, arratsaldean batzarra egingo du udal gobernuak. Eta mahai gainean izango dituen gaien artean, La Caixako etxebizitzekin lotutakoa aztertuko dute. Hain justu, etxebizitza horien adjudikazio baldintzen inguruan Alternatiba-Zutik koalizioak aurkeztutako idatzia izango dute aztergai.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak