Santamasetako giroa berotzeko nahikoa erregairekin aurkeztu dira antolatzaileak. Hasi ere, goiz hasiko dira aurten ekintzekin, zapatuan Boulder txapelketa izango da-eta aurtengo Santamasetako lehen hitzordua. Domekan, berriz, dantzari gazteen txanda izago da XII. Binakako Suelto txapelketarekin. Era berean, astelehenetik zabalik egongo da Kultur Aten herriko baserrien antzinako tresnen erakusketa, Arrasateko baserrien iragana eta oraina erakutsi gura duena. Santamasekin batera etorriko dena, baina, Benito Lertxundi izango da: zapatua zortzi, 20:00etan Amaia antzokian abestuko du.
Bezpera eta 'krixis'
Aurten txerria, Krixis izena ipini diotena, 21ean aurkeztuko dute, bezperan. Arabako Larrean gizendu, 250 kilo hartu eta zozketatu egingo dute. Bertsolariekin, eta ez edonolakoekin gainera, izango da eguneko bigarren hitzordu esanguratsuena: 22:30ean Amaia antzokian.
Txotx berezia
Hori da aurten egin gura dutena prentsa aurreko aurkezpenean nabarmendu gura izan zuten moduan. Horretarako Aramaioko sagardogileak gonbidatu dituzte. Azoka bera, goizeko 10:00etan zabalduko dute. Ostean, herri bazkaria etorriko da eta aurten gainera Musakolaraino egingo dute dantzariek kalejira, giroa ia herri guztira zabalduaz. Noski, dantza taldeek herritarrei batzeko deialdia egin diete, "Txerri dantza herrikoia" egiteko, hain justu ere. Dantza taldeek ere, hainbat saio egingo dituzte egun guztian zehar baina potoloena, Txarri Dantzia, 13:45ean egingo dute plazan. Ezin ahaztu ere, asteleheneko pilota partiduak, aurten Santamas egunean bertan izango direnak. 18:00etan izango dira Uerkapen . Saio nagusian Titin II-Laskurain bikoteak Xala-Pascualen kontra jardungo du.
Destakatuak
- Baserri-tresnen erakusketa / urtarrilaren 9ra arte
- Benito Lertxundi / bihar 20:00etan Amaian
- Sagar eta kirikoketa jotzea / domekan 12:30ean
- 'Amalurraren ahotsa' kalejira / Seberren 18:00etan
- Krixisen aurkezpena / domekan 19:00etan plazan
- Bertso jaialdia / domekan 22:30ean, Amaian
- Eganekin dantzaldia / domekan 23:00etan plazan
- Etxafleruak eta diana / astelehenan 9:00 - 9:30
- Azokaren hasiera / astelehenean 10:00etan
- Txotxa/ astelehenan 10:30ean Herriko Plazan
- Kalejira / 11:30etan
- Txarri Dantzia / 13:45ean Herriko Plazan
- Herri Bazkaria / Musakolako kiroldegian 14:30ean
- Pelota jaialdia / Uerkapen astelehenean 18:00etan