13:00ak inguruan iritsi zen atzo Donibane Lohizunera (Lapurdi). Bertako estazioan senideek eta lagunek ongietorri beroa egin zioten.
2006ko ekainean polizia operazio batean atxilotu zuten Azkainen (Lapurdi), ETAren "zerga iraultzailearekin" zerikusia zuelakoan. Ordutik Pariseko Fleury Merogis-eko kartzelan izan da. Hala ere, Kristina Larrañagak astero joan beharko du polizia-etxera eta ezin izango du Frantziako Estatutik irten.
Operazio berean Polizia frantziarrak beste 11 lagun atxilotu zituen Lapurdin, Gipuzkoan eta Alacanten (Herrialde Katalanak): Angel Iturbe, Julen Madariaga, Jose Antonio Cau, Eloy Uriarte, Izaskun Gantxegi, Jose Ramon Badiola, Joseba Elosua, Karmelo Lukin, Ramon Sagarzazu, Juan Pedro Harokarene eta Iñaki Aristizabal.